2024-cü il sentyabrın 1-dən 2025-ci il mayın 31-dək salınan intensiv meyvə bağları üçün dövlət tərəfindən veriləcək subsidiya məbləğləri müəyyənləşib. Məlumata əsasən, əkin əmsalı və hər hektara düşən subsidiya məbləği bitki növlərinə görə fərqlənir.

Dağ və dağətəyi ərazilərdə salınan fındıq bağları üçün əkin əmsalı 22,0, subsidiya məbləği isə 4 400 manat təşkil edir. Nar bağlarında bu göstəricilər müvafiq olaraq 15,0 və 3 000 manatdır. Zeytun bağları üçün əkin əmsalı 28,0, subsidiya isə 5 600 manat nəzərdə tutulub.

Limon və kinkan bağlarında əkin əmsalı 58,0, hər hektara subsidiya 11 600 manat müəyyən edilib. Naringi və portağal bağları üçün bu göstərici 48,0 əmsal və 9 600 manat subsidiya təşkil edir. Şaftalı (nektarin) və ərik bağlarında əkin əmsalı 20,0, subsidiya məbləği isə 4 000 manatdır.

Püstə bağları üçün 22,5 əmsal və 4 500 manat subsidiya ayrılıb. Armud bağlarında bu göstəricilər 40,0 əmsal və 8 000 manatdır. Alma bağları üçün 55,0 əmsal və 11 000 manat, gilas bağları üçün isə 50,0 əmsal və 10 000 manat subsidiya nəzərdə tutulub.

Xurma (xırnik) bağlarına 15,0 əmsal ilə 3 000 manat, badam bağlarına 17,5 əmsal ilə 3 500 manat, qoz bağlarına isə 16,5 əmsal ilə 3 300 manat subsidiya veriləcək. Kivi bağlarında əkin əmsalı 48,0, subsidiya məbləği isə 9 600 manat təşkil edir.

Bundan başqa, müasir suvarma sistemləri ilə təmin olunmuş sahələr üçün əkin əmsalı 1,55, hər hektara subsidiya isə 310 manat müəyyən edilib.

Qeyd edək ki, bu subsidiya mexanizmi aqrar sahədə intensiv bağçılığın inkişafına təkan vermək, məhsuldarlığı artırmaq və fermerlərin maliyyə yükünü azaltmaq məqsədi daşıyır.

Subsidiyanın alınması üçün tələb olunan sənədlər

1. Şəxsiyyəti təsdiq edən sənəd

-Şəxsiyyət vəsiqəsinin əsli və surəti

-VÖEN (fiziki və ya hüquqi şəxs üçün)

2. Torpaqla bağlı sənədlər
Aşağıdakılardan biri mütləqdir:

-Dövlət aktı (çıxarış)

-Arayış (bələdiyyə və ya icra nümayəndəliyindən)

-İcarə müqaviləsi (əgər torpaq icarəyə götürülübsə)

3. Fermer qeydiyyatı

-Elektron Kənd Təsərrüfatı İnformasiya Sistemi (EKTİS) üzərindən qeydiyyat

-Əkin sahələrinin sistemə daxil edilməsi

4. Bank hesabı

-Fermerin adına olan aktiv bank kartı (subsidiyalar bu karta köçürülür)

5. Əkin barədə məlumat

-Hansı bitki növü əkildiyi

-Əkin tarixi

-Sahənin ölçüsü (ha ilə)

-Əgər intensiv bağdırsa — bağın intensiv olduğunu təsdiq edən məlumat

6. Suvarma və texniki təminat sənədləri (lazım olduqda)

-Müasir suvarma sistemi ilə təmin olunubsa buna dair sənəd

-Damcılı suvarma, artezian, su xətti və s.

7. Ting üzrə tələb olunan sənədlər

-Tingin sertifikatı

-Tingin alındığı yer barədə qaimə və ya arayış

-Tingin sort adı və sayı

Harada müraciət edilir?

-Rayon Kənd Təsərrüfatı İdarəsi

-Aqrar Subsidiya Şurası

-EKTİS elektron sistemi üzərindən onlayn

Subsidiyanın verilmə vaxtı

-Müraciət təsdiqləndikdən sonra vəsait bank kartına köçürülür

-Yoxlamalar aparılır (sahəyə baxış ola bilər)

-Yanlış məlumat aşkar olunarsa subsidiya dayandırılır
 

Subsidiya müraciəti və sənədləşmə ilə bağlı tam dəstək üçün 051 436 77 70-ə zəng edə bilərsiniz.